Kım Chen Yn eki Koreıany biriktirmekshi
ASTANA. 3 tamyz. QazAqparat - Koreıanyń Eńbek parııasynyń birinshi hatshysy Kım Chen Ynnyń aldaǵy ýaqytta sheshilýi tıis eń ózekti máselelerdiń biri - «syrtqy kúshterdiń saldarynan ekige bólingen» Koreıany biriktirý dep sanaıdy.
Bul máseleniń sheshimi «eshqandaı syltaýlarǵa qaramaýy» tıis. Bul týraly «Kım Chen Irdiń ıdeıasyn is júzinde iske asyryp, órkendep kele jatqan memlekettiń damýyn jalǵastyraıyq» atty Kım Chen Ynnyń tájirıbelik eńbeginde jazylǵan, dep habarlady Ýtro. rý.
Búgin memlekettik aqparattyq agenttiktiń barlyq arnalary arqyly taratylǵan atalmysh jumysta Kım Chen Yn eldiń soltústik, ońtústik nemese shetelde turatyn koreılikterdi «ultty biriktirýde belsendilik tanytýǵa shaqyrdy».
