Kım Chen Irdiń arnaýly poıyzy Qytaıdyń Tıantszın qalasyna keldi
ASTANA. Mamyrdyń 5-i. QazAqparat - Koreıa Halyq Demokratııalyq Respýblıkasynyń basshysy Kım Chen Irdiń arnaýly poıyzy Qytaıdyń Tıantszın qalasynyń vokzalyna keldi,
dep habarlady japonnyń «KIODO» agenttigi Beıjińdegi dıplomatııalyq derekkózge silteme jasap.
Arnaýly poıyz Beıjińniń ońtústik-shyǵysynda 180 shaqyrym jerde ornalasqan jáne iri ekonomıkalyq ortalyqtyń biri sanalatyn qalaǵa jergilikti ýaqyt boıynsha saǵat 08.00-de (astana ýaqyty boıynsha saǵat 6.00-da) kelip toqtaǵan.
Al keshe tańerteń bul poıyzdy - Tszınchjoý qalasynyń áýejaıynda, al keshke - Dalıanda kórgender bar. Joǵary laýazymdy qonaqtyń jol baǵdary qupııa saqtalýda. Derekkózder, Kım Chen Ir endigi aıaldamany Beıjińde jasaıdy dep paıymdaýda.
Qytaıdyń Syrtqy ister mınıstrligi Soltústik Koreıa basshysynyń elge sapary týraly faktini ne qýattamaı, ne teriske shyǵarmaı otyr.
