Kım Chen Yn Soltústik Koreıanyń ıadrolyq qalqanyn nyǵaıtýǵa shaqyrdy
ASTANA.KAZINFORM - Soltústik Koreıa basshysy Kım Chen Yn ıadrolyq materıaldar óndiretin baza men ıadrolyq qarýdy zertteý ınstıtýtynda boldy, dep jazady TsTAK.

Ol ıadrolyq materıaldardy óndirý protsesterin tekserip, ıAdrolyq qarýdy zertteý ınstıtýtynyń aǵymdaǵy jaǵdaıymen jáne 2025 jylǵa arnalǵan josparymen tanysty.
Kım Chen Yn el óziniń «ıadrolyq qalqanyn» nyǵaıtýy kerek ekenin atap ótti.
- Biz qarý-jaraqqa arnalǵan ıadrolyq materıaldardy óndirý josparyn asyra oryndaýǵa jáne eldiń ıadrolyq qalqanyn nyǵaıtýda dáýirlik tabystarǵa jetýge tıispiz, - dedi ol.
KHDR kóshbasshysynyń aıtýynsha, qaýipsizdikti kúsh arqyly qamtamasyz etý - bul eldiń eń ádil kúres tásili.
Kım Chen Yn KHDR-daǵy qaýipsizdik jaǵdaıy álemdegi eń turaqsyz jaǵdaı ekenin atap ótti.
- ıAdrolyq qorǵanyshty úzdiksiz nyǵaıtý týraly suraq týyndaıdy, ol qazirgi kezde bar ártúrli qaýipterge ǵana emes, sonymen birge qaýipsizdikke jańa jáne keleshek qaýipterge de jaýap beredi ári egemendigimizge senimdi kepildik beredi, - dedi ol.
2024 jyldyń kúzinde Soltústik Koreıa kóshbasshysy Kım Chen Yn eldiń ıadrolyq áleýetin nyǵaıtýǵa ýáde berip, bul eldiń ıadrolyq qarý sanyn eksponentsıaldy túrde arttyrý saıasatyn turaqty túrde júrgizip jatqanyn málimdegen.