Kım Chen Yn mingen poıyz Beıjińge keldi dep shamalanyp otyr

ASTANA. KAZINFORM – Soltústik Koreıa kóshbasshysy Kım Chen Yn mingen bolýy múmkin poıyz seısenbi kúni Beıjiń temirjol vokzalyna keldi, dep habarlaıdy Yonhap. 

Bul Kım Chen Ynnyń 2011 jyldyń sońynda bılikke kelgennen beri Qytaıǵa jasaǵan besinshi sapary.

Agenttiktiń málimetinshe, poıyzdyń Beıjiń vokzalyna jergilikti ýaqyt boıynsha saǵat 16:00 shamasynda, Phenıannan shyqqannan keıin bir táýlikke jýyq ýaqytta kelgeni rastaldy.

Eske sala ketsek, Soltústik Koreıa Prezıdenti Kım Chen Yn jeke poıyzymen Beıjińge attanǵan. Ol Ekinshi dúnıejúzilik soǵystyń aıaqtalýynyń 80 jyldyǵyn merekeleýge qatysady.

3 qyrkúıekte Beıjińde aýqymdy sherý ótedi, onda Qytaı jańa qarý túrlerin kórsetedi.

Buǵan deıin áskerı sherýge 20-dan astam sheteldik kóshbasshy qatysatyny habarlanǵan bolatyn. 

Qonaqtar arasynda Qazaqstan Prezıdenti Qasym-Jomart Toqaev, Belarýs, Ázerbaıjan, Iran, Qyrǵyzstan, Ózbekstan, Tájikstan, Túrkimenstan, Indonezııa, Reseı basshylary, Armenııa, Malaızııa, Pákistan, Slovakııa jáne basqa da elderdiń premer-mınıstrleri bar.