Kım Chen Yn Qytaıǵa attandy

ASTANA. KAZINFORM - Soltústik Koreıa Prezıdenti Kım Chen Yn jeke poıyzymen Beıjińge attandy.

- 1 qyrkúıekte Koreıa Eńbek partııasynyń bas hatshysy jáne Koreı Halyq Demokratııalyq Respýblıkasy Memlekettik ister jónindegi komıssııasynyń tóraǵasy Kım Chen Yn óziniń jeke poıyzymen Beıjińge attandy. Ol Ekinshi dúnıejúzilik soǵystyń aıaqtalýynyń 80 jyldyǵyn merekeleýge qatysady, - dep jazady KCNA agenttigi.

Soltústik Koreıa basshysymen birge joǵary laýazymdy sheneýnikterdiń, onyń ishinde Syrtqy ister mınıstri Chhve Son Hı bar ekeni habarlandy.

Qyrkúıektiń 3-i kúni Beıjińde aýqymdy sherý ótedi, onda Qytaı jańa qarý túrlerin kórsetedi.

Buǵan deıin áskerı sherýge 20-dan astam sheteldik kóshbasshy qatysatyny habarlanǵan bolatyn.

Qonaqtar arasynda Qazaqstan Prezıdenti Qasym-Jomart Toqaev, Belarýs, Ázerbaıjan, Iran, Qyrǵyzstan, Ózbekstan, Tájikstan, Túrkimenstan, Indonezııa, Reseı basshylary, Armenııa, Malaızııa, Pákistan, Slovakııa jáne basqa da elderdiń premer-mınıstrleri bar.