Qylshaqty ózeninen Kókshetaýǵa qaýip bar ma — Bozymbaev boljamy
ASTANA. KAZINFORM — Premer-mınıstrdiń orynbasary Qanat Bozymbaev Kókshetaý qalasyn sý basý qaýpine qatysty boljam jasady.
— Qylshaqty ózenine sanatsııa júrgizildi. Kókshetaý qalasyna tek osy Qylshaqty ózeni ǵana qaýip tóndiretin. Eger ákimdik qarǵyn sýdy der ýaqytynda aǵyzyp jiberetin bolsa, onda eshqandaı problema kórip turǵanym joq. Óıtkeni, ózenniń ótkizý múmkindigi keńitilip, syrtqy bógetterdiń jıekteri nyǵaıtyldy. Úlken problemany kórip turǵanym joq, — dedi ol Parlament palatalarynyń birlesken otyrysynan keıin.
Vıtse-premer qalany qarǵyn sý bastaýy úshin kóshelerdegi qardy da jyldam shyǵarý kerektigin eskertti.
— Qyzyǵy, Aqmola oblysynyń ońtústik bóligi birshama salqyn. Túnde mınýs 7, 10 gradýs bolady. Al Kókshetaý oblysy jatqan soltústik bóliginde túnde mınýs 1, 2 gradýs, ıaǵnı ol jaqta qar jyldam erıdi. Soltústik Qazaqstan oblysynda da osyndaı jaıt. Ádette kerisinshe bolatyn. Bıyl klımat tosynsyı kórsetip tur. Degemen, Aqmola oblysynyń ákimimen kúndelikti baılanysyp otyrmyn, — dedi Qanat Bozymbaev.
Aıta keteıik, sý tasqyny qaýpine baılanysty Abaı jáne Aqmola oblystary erekshe baqylaýǵa alyndy.
