Qylmystyq zańnamany zaman talabyna saı jetildirý máselesi talqylandy
ASTANA. KAZINFORM – Búgin QR PІB janyndaǵy Parlamentarızm ınstıtýty Senatta Qazaqstan Respýblıkasynyń qylmystyq zańnamasyn jetildirý máselelerine arnalǵan dóńgelek ústel ótkizdi.
Іs-shara Qazaqstan Respýblıkasy Qylmystyq kodeksiniń on jylǵa jýyq qoldanys tájirıbesin talqylaýǵa, zańnamadaǵy bar problemalardy anyqtaýǵa jáne ony jetildirý joldaryn qarastyrýǵa arnaldy.
Parlamentarızm ınstıtýty dırektorynyń orynbasary Lázzat Súleımen atap ótkendeı, Qylmystyq kodeks qabyldanǵan kezden bergi aralyqta birqatar ózgeristerge ushyrady. Qoǵamdyq qatynastar men áleýmettik-ekonomıkalyq jaǵdaılardyń ózgerýine baılanysty oǵan ózgerister men tolyqtyrýlar engizilip otyrdy.
- Qazirgi tańda Parlament Májilisi depýtattarynyń qaraýynda Qylmystyq kodeksti, Qylmystyq-protsestik kodeksti jáne Qylmystyq-atqarý kodeksti ońtaılandyrý týraly zań jobasy bar. Úkimet, depýtattar men sarapshylar belsendi talqylaıtyn jetkilikti túzetýler keshenin daıarlady, - dedi L.Súleımen.
Dóńgelek ústelge qatysýshylar qylmystyq zańnamany ońtaılandyrý qazirgi talaptarǵa sáıkestigin jáne onyń ózgeristerine ýaqtyly den qoıýdy qamtamasyz etý úshin krımınologııa, sot praktıkasy jáne halyqaralyq standarttar salasyndaǵy zertteýlerdi taldaýǵa negizdelýi tıis ekenin atap ótti. Bul zańsyz aıyptaýlardyń sanyn qysqartýǵa, sondaı-aq qylmystyq quqyq buzýshylyq jasaǵan adamdardy neǵurlym ádil ári tıimdi jaza taǵaıyndaýǵa jol ashady.
Sarapshylar qylmystyq jáne qylmystyq is júrgizý zańnamasynyń turaqtylyǵyna baǵyttalǵan tetikterdi ázirleýdiń mańyzdylyǵyn atap ótti.
Máselen, eldi alańdatqan qylmystardan keıin jazany qatańdatýǵa qoıylatyn talaptardy eskerý mańyzdy. Degenmen, keı jaǵdaılarda zań talabyn qatańdatýdy sarapshylar tıimsiz dep tanıdy, óıtkeni bul órkenıetti qoǵamnyń standarttaryna sáıkes kelmeıtin zańnamanyń repressıvtiliginiń kúsheıýine ákelýi múmkin. Onyń ornyna qylmystyń aldyn alýǵa jáne sottalǵandardy ońaltý baǵdarlamalaryn jaqsartýǵa nazar aýdarǵan jón.
Іs-sharaǵa Parlament Senatynyń depýtaty Sovetbek Medebaev, Parlament Májilisiniń depýtaty Abzal Quspan, Konstıtýtsııalyq sottyń múshesi Eran Sársembaev, sondaı-aq ǵalymdar, advokattar, memlekettik organdardyń ókilderi men sarapshylar qatysty.