Qylmystyq is qozǵaldy — Mańǵystaýda dırektor muǵalimderden zańsyz túrde aqsha jınap kelgen
ASTANA. KAZINFORM - Munaıly aýdanynyń prokýratýrasy «№3 arnaıy mektep» KMM tekserý nátıjeleri boıynsha mekeme basshylyǵy tarapynan birqatar zań buzýshylyqtardy anyqtady.
Atap aıtqanda, mektep basshylyǵy aı saıyn «Kaspi bank» jáne «Halyk bank» mobıldik qosymshalary arqyly qaramaǵyndaǵy qyzmetkerlerden aqsha qarajatyn zańsyz jınaýdy júzege asyrǵan.
Budan basqa, formaldy buıryqtar shyǵarý jáne jeke tulǵalarǵa artyq syılyqaqylar esepteý negizinde aqsha qarajatyn zańsyz aýdarý faktileri anyqtaldy.
Sondaı-aq, mektep dırektory óz qaramaǵyndaǵylardan ózine salynǵan ákimshilik aıyppuldardy tóleýge májbúrlegen.
Atalǵan arnaıy mekteptiń laýazymdy tulǵalaryna qatysty laýazymdyq ókilettikterdi teris paıdalaný faktisi boıynsha QK 361-baby boıynsha sotqa deıingi tergep-tekserý bastaldy.
