Qylmystyq is doǵaryldy – Jeńis Elemesov Nyǵmatýllınniń uly jaıynda
ASTANA. KAZINFORM – Qarjylyq monıtorıng agenttigi tóraǵasynyń orynbasary Jeńis Elemesov Májilistiń burynǵy tóraǵasy Nurlan Nyǵmatýlınniń uly Nurjan Nurlanovqa qatysty qozǵalǵan iske pikir bildirdi.
- Eshqandaı ózgeris joq. Buǵan deıin aıtqanymdaı, shynymen de óndirisimizde qylmystyq is bar. Almaty qalalyq ekonomıkalyq tergeý departamentinde jatyr. Іs halyqaralyq tergeý tapsyrmasynyń joldanýyna baılanysty doǵaryldy. Ol qazir kýáger retinde. Óıtkeni biz halyqaralyq tergeý tapsyrmasynan jaýap alǵanymyz joq. Bizdiń suranysymyzǵa qatysty aqparat kelgennen keıin mártebesi anyqtalady, - dedi ol Májilistiń jalpy otyrysynan keıin BAQ ókilderiniń saýalyna oraı.
Jyl basynda Іshki ister mınıstrliginiń baspasóz qyzmeti «Báıterek» holdınginiń jáne «QazMunaıGaz-Aero» JShS-nyń burynǵy dırektory Nurjan Nurlanovtyń ústinen Qylmystyq kodekstiń 389-baby boıynsha tergeý júrip jatqanyn rastaǵan edi.
Nurjan Nurlanov - Qazaqstan Respýblıkasynyń Parlament Májilisiniń burynǵy tóraǵasy Nurlan Nyǵmatýlınniń uly.