Qylmyskerler elektrondyq satý júıesine kirip, 450 mln teńgeniń taýaryn urlaǵan – ІІM

ASTANA. KAZINFORM – Astana qalasy polıtsııa departamentiniń uıymdasqan qylmysqa qarsy kúres basqarmasy prokýratýranyń kómegimen iri saýda jelileriniń birine tıesili taýarlyq-materıaldyq qundylyqtardy urlaý shemasyn joıdy.

Polisia.kz-tiń málimetinshe, qylmystyq top saýda jelisiniń burynǵy qyzmetkerlerimen kelise otyryp, elektrondyq satý júıesine zańsyz kirý múmkindigin paıdalanyp, eki jyl ishinde jalpy somasy 450 mln teńgeden astam taýaryn urlaǵan.

Qylmystyq jolmen alynǵan tehnıka elemizdiń birneshe qalasynda satylǵan.

- 20-dan astam tintý is-sharalary ótkizildi, 120-dan astam túrli tehnıka, onyń ishinde belgili óndirýshilerdiń ondaǵan uıaly telefondary, iri kólemde aqsha, travmatıkalyq tapanshalar jáne ártúrli kalıbrli patrondar tárkilendi. Sotqa deıingi tergep-tekserý asa iri mólsherdegi urlyq jáne alaıaqtyq faktileri boıynsha júrgizilip jatyr, - dedi ІІM uıymdasqan qylmysqa qarsy kúres departamentiniń ókili Qýandyq Alpys. 

Eske salsaq onlaın-kazıno oıynyn uıymdastyrǵan qylmystyq toptyń qyzmeti toqtatylǵan edi.