Qylmys áleminiń serkesi «Serik golova» qaıtys boldy
ALMATY. KAZINFORM — «Serik golova» laqap atymen tanylǵan Serik Jamanaev qaterli isik aýrýynan qaıtys boldy.
Soltústik Qazaqstan oblysy boıynsha Qylmystyq-atqarý júıesi departamentiniń málimetinshe, sottalǵan Jamanaev 2024 jyldyń jeltoqsan aıynda túzeý mekemesine aýystyrylǵan.
— Ol kelgen soń birden tolyq medıtsınalyq tekserýden ótti. Dıagnozy: baýyr isigi, úshinshi saty. Osy kezden bastap ol únemi dárigerlerdiń baqylaýynda boldy. Sottalýshy birneshe ret tekserilý jáne emdelý úshin medıtsınalyq mekemelerge jetkizildi. 8 sáýirde ol kópsalaly onkologııalyq aýrýhanaǵa jatqyzyldy. Qoldanylǵan sharalarǵa qaramastan ol 25 sáýirde qaıtys boldy, — delingen habarlamada.
Eske salaıyq, qylmys áleminde «Serik-golova» laqap atymen tanymal Serik Jamanaev 2021 jyly 19 jylǵa sottalǵan bolatyn. Jamanaev 1996 jyly Reseıdiń Sochı qalasynda «vor v zakone» degen mártebe alǵan. Ol ótken jyldyń aqpanynda UQK men ІІM-niń birlesip júrgizgen operatsııasy kezinde qolǵa tústi.