Kılıan Mbappeniń qos goly álem chempıonatynda Frantsııaǵa jeńis syılady
ASTANA. KAZINFORM — Fýtboldan 2026 jylǵy álem chempıonatynda Frantsııa men Senegal kezdesýiniń nátıjesi belgili boldy.
I tobynda synǵa túsip jatqan qos qurama sapynda tájirıbeli fýtbolshylar az emes. Sondyqtan jankúıerler tarapynan oıynǵa erekshe qyzyǵýshylyq bolǵany ras.
Kezdesý barysynda alǵashqy mınýttan senegaldyq fýtbolshylardyń belsendiligi baıqaldy. Dese de oǵan frantsııalyq qurama laıyqty toıtarys bere bildi.
Ekinshi kezeńde aldymen Kılıan Mbappe 66-mınýtta esep ashsa, Bredlı Barkola 82-mınýtta basymdyqty arttyra tústi.
Al 95-mınýtta senegaldyq Ibragım Mbaıe óz múmkindigin múlt jibermese, oǵan frantsııalyq Kılıan Mbappe 96-mınýtta taǵy bir golmen jaýap qaıyrdy.
Kezdesý barysynda Frantsııa qarsylasyn 3:1 esebimen qapy qaldyrdy.
Aıta ketsek, qazirge deıin eki qurama bir márte kezdesti. 2002 jyly álem chempıonatynyń fınaldyq satysynyń fınaldyq kezeńinde frantsııalyq fýtbolshylar qarsylasyna 0:1 esebimen ese jibergen edi.
Endi bul topta 03:00–de Norvegııa jáne Irak quramalary jasyl alańǵa shyǵady.
Endi Frantsııa 23 maýsymda Irak, 26 maýsymda Norvegııamen kezdesedi. Senegaldyqtar 23 maýsymda Norvegııa, 26 maýsymda Irakpen sheberlik baıqasady.
Eske salsaq, budan buryn álem chempıonatynda Belgııa fýtbol quramasy Mysyrmen teń tústi.
