Kılıan Mbappe «PSJ» komandasynyń 3 myńynshy golyn soqty

ASTANA. QazAqparat – «PSJ» shabýylshysy Kılıan Mbappe Frantsııa chempıonatynda óz komandasynyń 3 myńynshy golyn soqty, dep habarlaıdy QazAqparat tilshisi.

Shampionat.com saıtynan alynǵan málimetke qaraǵanda, «PSJ» Frantsııa birinshiliginde osyndaı kórsetkishke qol jetkizgen 12-klýb atandy. Bul úshin parıjdikterge 1 858 match qajet boldy. Tek, «Marsel» (1 801) men «Sent-Eten» (1 816) ǵana az oıyndarymen osyndaı mejege jetti.

Frantsııa quramasynyń shabýylshysy Kılıan Mbappe el chempıonatynyń 27-týrynda, syrt alańda «Brestpen» (2:1) ótken matchtyń 90-mınýtynda jeńis golyn engizdi. Bul – komandanyń chempıonattaǵy 3 myńynshy goly edi.

Bıylǵy birinshilikte Mbappe 23 kezdesýge qatysyp, 19 golmen birge 3 nátıjeli pastyń avtory atandy.

Osy oıynnan keıin 66 upaı jınaǵan «PSJ» ekinshi orynda kele jatqan «Marselden» 11 upaıǵa uzap ketti.

Kelesi týrda, 19 naýryzda «PSJ» «Renn» komandasyn qabyldaıdy.

Eske sala keteıik, budan buryn Mohamed Salahtyń «Lıverpýl» tarıhyndaǵy eń úzdik surmergen atanǵanyn jazǵan bolatynbyz.

Foto: Shampionat.com