Kılıan Mbappe Frantsııada «PSJ» komandasynyń rekordyn ornatty

ASTANA. QazAqparat – Frantsııa quramasynyń shabýylshysy ári kapıtany Kılıan Mbappe «PSJ» komandasynyń rekordyn ornatty, dep habarlaıdy QazAqparat tilshisi.

Shampionat.com saıtynan alynǵan málimetke qaraǵanda, Mbappe Frantsııa chempıonatynyń 31-týrynda «Lanspen» ótken matchta 31-mınýtta gol soqty. Osylaısha, Kılıan «PSJ» quramynda Frantsııa birinshiliginde soqqan gol sanyn 139-ǵa jetkizdi. Bul kórsetkish jóninen ol ýrýgvaılyq shabýylshy Edınson Kavanıden (138) asyp tústi. Shvetsııalyq Zlatan Ibragımovıch (113) úshinshi orynda.

Mbappe bıylǵy maýsymda Frantsııa chempıonatynda 20 ret kózge túsip, mergender kóshin bastady. «Lıon» klýbynan Aleksandr Lıakazet pen Djonatan Devıdtiń («Lıll) esebinde 19 doptan bar.

Sondaı-aq, Mbappe osy maýsymda Eýropanyń úzdik 5 chempıonatynda gol sanyn 20-ǵa jetkizgen tórtinshi oıynshy atandy. Osyǵan deıin buǵan Erlıng Holand, Garrı Keın jáne Vıktor Osımhen qol jetkizgen edi.

Bıylǵy maýsymda 24 jastaǵy frantsııalyq shabýylshy «PSJ» quramynda barlyq týrnırlerde 35 match ótkizip, 31 gol soǵyp, 7 ret nátıjeli pas berdi.

«PSJ» Frantsııa birinshiliginde ekinshi orynda kele jatqan «Lanstan» 9 upaıǵa uzap ketti. Ol 72 upaımen burynǵysha kósh bastap keledi.

Eske sala keteıik, budan buryn Lıonel Messı Krıshtıaný Ronaldýdyń rekordyn jańartqanyn jazǵan edik.