Kılıan Mbappe «Altyn dopqa» qaı fýtbolshyny laıyq kóretinin aıtty

Frantsııanyń «Parı Sen-Jermen» komandasynyń shabýylshysy Kılıan Mbappe «Altyn dopty» «Inter Maıamı» klýbynyń argentınalyq fýtbolshysy Lıonel Messı alýy tıis dep sanaıdy. QazAqparat bul týraly Sports.kz portalyna silteme jasap habarlaıdy.

“Altyn dop” saýalnamasynda Leo Messıge daýys beremin. Jekeleı alǵanda, ol jyldyń eń úzdik oıynshysy boldy jáne bul marapatqa laıyq”, - dep keltirdi X Football áleýmettik jelide Mbappeniń sózin.

Lıonel Messı jazǵy transferde «Inter Maıamıge» aýysty. Oıynshynyń klýbpen kelisimsharty 2025 jyldyń jeltoqsanyna deıin jalǵasady. Osy maýsymda fýtbolshy barlyq týrnırlerde 12 matchqa qatysyp, 11 gol soǵyp, bes nátıjeli pas berdi.

Mbappe osy maýsymda “PSJ” sapynda barlyq týrnırlerde segiz match ótkizip, segiz gol soqty.