Kilem jýmaq bolǵan júkti kelinshek ózenge aǵyp ketti
ALMATY. QazAqparat - Almatyda kilem jýmaq bolǵan júkti kelinshek ózen sýyna aǵyp ketti, dep habarlaıdy QazAqparat tilshisi.
32 jastaǵy Ásııa Musaeva joldasymen birge el arasynda Esik baǵy atanyp ketken Esik kanalyna kilem jýýǵa barǵan. Áıel adam sý jaǵasynda turǵanda sabynnan aıaǵy taıyp, ózen sýyna aǵyp ketti.
Kelinshektiń kúıeýi artynan biraz jerge deıin júzip barǵan. Biraq taba almaǵan. Otbasynda eki bala bar kelinshek úshinshi sábıine júkti bolǵan.
«Іzdep jatqanymyzǵa 3-táýlik boldy. Sol kúni kúıeý balam izdegen. Sýdyń boıyndaǵy adamdar da izdesýge kómektesken. Bir de bir kólik toqtamaǵan. Qazir sýdyń jaǵasyn meniń ákem, baýyrlarym, kúıeý balam kezip izdep júr. Óli-tirisin bilmeımiz», - dedi Ásııanyń ápkesi Shahrızada Maratova.
Qala turǵyndarynyń aıtýynsha, Esik kanalynyń aǵysy óte qatty. Sonymen qatar, quz-jartasty jerleri de jeterlik.
Eske sala keteıik, osyǵan uqsas qaıǵyly oqıǵa Astana qalasynda da bolǵan edi. 43 jastaǵy áıel eki qyzymen birge sýǵa ketip, kóz jumǵan bolatyn. Olar Nura-Esil arnasynyń jaǵasynda kilem jýǵan.
