Kıkýshınkaıkan karateden TMD elderiniń eń úzdik sportshylary Astanaǵa jınalady
ALMATY. 17 aqpan. QazAqparat - Astanada 24-aqpanda kıkýshınkaıkan karateden «TMD kýbogy» 5-halyqaralyq týrnıri ótedi.
«Dáýlet» sport saraıynda bolatyn bul jarysta sportshylar jas ereksheligine qaraı 8 topqa bólinip ózara saıysqa túspek. Atap aıtqanda 10-11 jastaǵy (30, 35, 40, +40), 12-13 jastaǵy (35, 40, 50, +50), 14-15 jastaǵy (45, 50, 55, +55), 16-17 jastaǵy (55, 60, 65, +65) jáne 18 jastan joǵarǵy erler (60, 70, 80, 80) 4 salmaq dárejeleri boıynsha saıysqa túsedi. Al 14-15 jastaǵy (50, +50), 16-17 jastaǵy (55, +55) jáne 18 jastan joǵary qyzdar (60, +60) eki salmaq dárejesi boıynsha kúsh synasady.
Jeńimpazdar men júldegerler Kýbokpen, medalmen jáne dıplommen marapattalady. Sondaı-aq erekshe kózge túsken sportshylarǵa «Úzdik tehnıkasy» men «Samuraılyq rýhy úshin» arnaıy júldeleri beriledi.
