Kıkbokstan qazaq-qytaı sportshylary kim myqtyny anyqtaıdy
ASTANA. QazAqparat - Qytaıdyń Horgos qalasynda kıkbokstyń K-1 túri boıynsha Qazaqstan-Qytaı arasyndaǵy joldastyq kezdesý ótedi, dep habarlaıdy QazAqparat tilshisi.
Eki el sportshylary arasynda ótetin saıys 8 sáýirge josparlanǵan.
Bul synda Qazaqstan namysyn Astana qalasynyń «Tobet top team» sport klýby qorǵaıtyn bolady. Saıysta alty jup ózara kim myqtyny anyqtaıdy. Jekpe-jekterdi Qytaılyq jergilikti arnalarynyń biri kórsetedi.
Qazaq eli atynan 60 kelide Erqanat Ospanov, 63 kelide Ivan Dobrynın men Aslan Oraz synǵa tússe, 65 keli salmaqta Alıhan Ozdoev, 70 kelide Rústem Aqjanov jáne 80 kelide Sultan Qııalov el namysyn qorǵaıdy.
Negizgi jekpe-jek Rústem Aqjanov men Qytaı sportshysy arasynda bolmaq.
