Kıkboksıngten Qazaqstan Respýblıkasy chempıondarynyń esimderi anyqtaldy
QYZYLORDA. QazAqparat - Qyzylorda qalasynda erler men áıelder arasynda kıkboksıngten Qazaqstan Respýblıkasynyń XXV chempıonaty aıaqtaldy. Jarysqa 14 oblys pen Astana, Almaty qalalarynan 200-ge jýyq sportshy qatysty. Olardyń ishinde kıkboksıngten álem chempıonattarynyń jeńimpazdary da boldy, dep habarlaıdy oblystyq deneshynyqtyrý jáne sport basqarmasynyń baspasóz qyzmetinen.
Chempıonatta fýll-kontakt jáne k-1 bólimderinde 29 salmaq dárejesi boıynsha júldeler sarapqa salyndy.
Fýll-kontakt bóliminde:
Erler arasynda: 51 keli: Nurdildá Eralıev (Jambyl oblysy), 54 keli: Erlan Shaǵban (Astana q.), 57 keli: Muhamedjan Tilegenov (Jambyl oblysy), 60 keli: Abzal Dıýsýpov (Atyraý oblysy), 63,5 keli: Eldar Baýyrjanuly (ShQO), 67 keli: Beıbarys Baýyrjanuly (ShQO), 71 keli: Ersaıyn Qasambaev (Pavlodar oblysy), 75 keli: Stelııan Avramıdı (Qaraǵandy oblysy), 81 keli: Nursultan Jaqypov (SQO), 86 keli: Aıdyn Sádýaqasov (ShQO), 91 keli: Erdáýlet Jeńis (Qyzylorda oblysy), +91 keli: Aıdyn Ábdirahman (Almaty oblysy).
Áıelder arasynda: 48 keli: Nurjaınat Elýbaeva (OQO), 52 keli: Aıdyn Ábenova (OQO), 56 keli: Aıda Tuıaqbaı (OQO), 60 keli: Marına Nı (Qaraǵandy oblysy), 65 keli: Gúlbaný Samatova (Qyzylorda oblysy), +65 keli: Nurjanat Tleýimbetova (Qyzylorda oblysy).
K-1 bóliminde:
Erler arasynda: 51 keli: Núrken Tólegenov (OQO), 54 keli: Álisher Qadyrov (Qaraǵandy oblysy), 57 keli: Baýyrjan Qudaıbergenov (ShQO), 60 keli: Shyńǵyshan Tilemisov (Astana q.), 63,5 keli: Qanaǵat Nurǵalıev (ShQO), 67 keli: Janat Smekenov (Pavlodar oblysy), 71 keli: Artýr Saýyrbaev (Pavlodar oblysy), 75 keli: Saıan Jaqypov (Pavlodar oblysy), 81 keli: Babýrjan Artyqbaev (OQO), 86 keli: Shyńǵys Ysqaqov (Almaty q.), +91 keli: Ashat Jantursynov (Jambyl oblysy).
Jarys jeńimpazdary men júldegerler QR Sport jáne dene shynyqtyrý isteri agenttiginiń dıplom, medaldarymen marapattaldy. Sondaı-aq, tóreshiler alqasy kelesi nomınatsııalardy jarııalady. Sharshy alańdaǵy «Úzdik referı» Qaraǵandy oblysynan Aleksandr Vakarev atansa, «Úzdik tóreshi» retinde Jambyl oblysynan Nurǵalı Naýryzbaev tanyldy.
«Jeńiske degen jigeri úshin» júldesimen Pavlodar oblysynyń kıkboksshysy, el chempıonatynyń qola júldegeri Erkebulan Hasanov marapattaldy. «Úzdik tehnıka kórsetkeni úshin» Pavlodar oblysynyń sportshysy Artýr Saýyrbaev ıe boldy.
Jarys qorytyndysy boıynsha jeńimpaz sportshylar QR sport sheberi ataǵyna ıe boldy. Endi jarys jeńimpazdary 14-19 mamyr aralyǵynda Vengrııanyń Seged qalasynda bolatyn Álem kýbogyna jáne 21-28 maýsym aralyǵynda Iordanııanyń Amman qalasyndaǵy Azııa chempıonatyna qatysady.
