Kıkboksıngten Qazaqstan kýbogynda shyǵysqazaqstandyqtar úzdik shyqty
ALMATY. Naýryzdyń 29-y. QazAqparat /Erlik Erjanuly/ - Keshe Astanada kıkboksıngten 4 kúnge sozylǵan Qazaqstan kýbogy jarysy óz máresine jetti,
dep habarlaıdy QazAqparat Týrızm, dene tárbıesi jáne sport basqarmasynyń baspasóz qyzmetine silteme jasap.
200-den astam sportshynyń basyn qosqan bul baıraqty básekege qatysýshylar Almaty oblysynyń Qyzylaǵash aýylyndaǵy tabıǵat apatynan zardap shekkenderge 500 myń teńge kóleminde qarjylaı kómek kórsetti. Onda fýll-kontakt bóliminde erler 11, áıelder 5 salmaq dárejesinde, al loý-kık bóliminde erler 12 salmaq boıynsha óz jeńimpazdaryn anyqtady. Jarys qorytyndysynda komandalyq esepte birinshi oryndy 6 altyn, 6 kúmis, 3 qola júldege ıe bolǵan shyǵysqazaqstandyqtar aldy. Al astanalyqtar (5 altyn, 4 kúmis, 7 qola) ekinshi, qaraǵandylyqtar (4 altyn, 4 kúmis, 10 qola) úshinshi orynǵa shyqty.
