Kıkboksıng: Vengrııadaǵy Álem kýbogy jarysynda Qazaqstan quramasy 5 altyn, 6 kúmis jáne 4 qola medal enshiledi
ASTANA. Mamyrdyń 27-si. QazAqparat /Ernur Aqanbaı/ - Vengrııanyń Segad qalasynda ótken kıkboksıngten Álem kýbogy jarysynda Qazaqstan quramasy 5 altyn, 6 kúmis jáne 4 qola medaldi jeńip aldy,
dep habarlaıdy QazAqparat.
«Bizdiń sport» saıtynyń málimetinshe, Qazaqstan quramasy bul jarysta kıkboksıngtiń fýll-baılanys jáne loý-kık degen dástúrli túrleri boıynsha synǵa tústi.
Jaqııa Qýanov (51 kg, fýll-baılanys, Atyraý oblysy), Álimjan Qudaıbergenov (54 kg, fýll-baılanys, ShQO), Samat Qadyrbekov (67 kg, fýll-baılanys, SQO), Ersaıyn Qasambaev (63,5 kg, loý-kık, Pavlodar) jáne Saıan Jaqypov (71 kg, loý-kık, Pavlodar) álem kýbogynyń chempıondary atandy.
Al, Rızvan Ferzaýlı (54 kg, loý-kık, Pavlodar), Bekjan Tólebekov (63,5 kg, fýll-baılanys, Jambyl oblysy), Sánııa Súleımenova (52 kg, fýll-baılanys, Aqmola oblysy), Abzal Júsipov (60 kg, fýll-baılanys, Atyraý oblysy), Marııam Egemberdıeva (50 kg, fýll-baılanys, Almaty oblysy) jáne Jomart Nurymbetov (60 kg, loý-kık, Astana) kúmis medaldi enshiledi.
Quramanyń qorjynyna qola medaldi Gúlbaný Samatova (60 kg, fýll-baılanys, Aktóbe oblysy), Aıdyn Ábdrahmanov (+91 kg, fýll-baılanys, Almaty oblysy), Marııam Egemberdıeva (50 kg, loý-kık, Almaty oblysy) jáne Joldasbek Balǵabaev (+91 kg, loý-kık Aqmola oblysy) saldy.
Aıta keteıik, atalmysh jarysta chempıondyq ataq úshin 24 elden kelgen sportshylar talasty. Endi bizdiń sportshylar tamyz aıynda ótetin Qazaqstan chempıonatyna daıyndalatyn bolady. Odan keıin tamyzdyń 31-i men qyrkúıektiń 5-i aralyǵynda Qytaıda bolatyn jekpe-jek ónerinen dúnıejúzilik oıyndarǵa qatysady.
