QIK jarǵylyq kapıtaly «Qoljetimdi baspana - 2020» baǵdarlamasynyń aıasynda taǵy 5,5 mlrd. teńgege ulǵaıdy

ASTANA. QazAqparat - «Qazaqstan Ipotekalyq Kompanııasy» AQ jarǵylyq kapıtaly 5,5 mlrd. teńgege ulǵaıdy, dep habarlady kompanııanyń baspasóz qyzmeti.

2014 jyldyń qańtarynda QIK jarǵylyq kapıtaly 8,7 mlrd. teńgege ulǵaıdy. Oǵan 5,5 mlrd. teńge qosylyp, jalpy soma 14,2 mlrd. teńgeni qurady. Ol kompanııaǵa 2014 jyly «Qoljetimdi baspana - 2020» baǵdarlamasynyń aıasynda qurylys pen jalǵa berý baspanalaryn alý úshin qajet, dep jazylǵan habarlamada.

Kapıtaldandyrý memlekettik bıýdjet esebinen júrgizilgen. QIK-tiń jarǵylyq kapıtaly satyp alynǵan aktsııalarmen qosa eseptegende, 55,5 mlrd. teńgeni quraıdy.

QIK «Báterek» kompanııasynyń enshiles uıymy bolyp tabylady. Kompanııa «Qoljetimdi baspana - 2020» baǵdarlamasynyń júzege asyrylýy aıasynda jalǵa alý baspanasyn satyp alý quqyǵy baǵyty boıynsha Almaty, Shymkent, Pavlodar jáne Qaraǵandy qalalarynda kópqabatty turǵyn úılerdiń qurylysyn qarjylandyrýdy iske asyrady. Sonymen birge, Astana, Aqtóbe, Oral, Petropavl jáne Qostanaı qalalarynda turǵyn úıler qurylysynyń kelisimsharttaryna qol qoaıyldy.