Kıik taptaǵan jaıylymǵa sýbsıdııa tóleý múmkin emes — AShM

ASTANA. KAZINFORM — Aýyl sharýashylyǵy mınıstrligindegiler Kazinform saýalyna joldaǵan jaýapta kıik taptaǵan jaıylymnyń shyǵynyn sýbsıdııamen toltyrý múmkin emes ekenin aıtty.

киіктер
Фото: Мақсат Шағырбай/Kazinform

Mınıstrlik onyń ornyna jaıylymdardy tormen qorshaý shyǵyndarynyń paıyzyn sýbsıdııalaýdy usynyp otyr.

— Aqbókenderdiń jaıylymǵa keltirgen zalalyn obektıvti baǵalaý máselesi bar. Zalaldy esepteý qıyn jáne sybaılas jemqorlyq táýekelderi týyndaýy yqtımal. Ákimshilendirýdiń kúrdeliligi jáne ashyq protsedýralardyń bolmaýy jergilikti bıýdjettiń tıimsiz jumsalýyna ákelýi múmkin, óıtkeni shóptiń mólsheri men naqty zalaldy dál anyqtaý múmkin emes, — dep jazylǵan mınıstrlik málimetinde.

Biraq bul kıik popýlıatsııasynan zardap shekken sharýalarǵa memleket kómek kórsetýden bas tartyp otyr degen sóz emes.

— Aýyl sharýashylyǵy jerlerin kıikterden qorshaýǵa arnalǵan topsaly torlardy qýma metrin 700 teńge jáne topsaly tordy bekitýge arnalǵan baǵandardy (metall nemese beton) bir danasyn 3 750 teńge satyp alý kezinde ınvestıtsııalyq salymdardy óteý úlesi jergilikti bıýdjet qarajaty esebinen 50% sýbsıdııalanady, — dep jazady vedomstvo mamandary.

Buǵan deıin Ekologııa jáne tabıǵı resýrstar mınıstri Erlan Nysanbaev BAQ ókilderiniń suraǵyna bergen jaýabynda kıik sanyn retteý arnaıy qaýmalda ustaý nemese atý arqyly uıymdastyrylýy múmkin ekenin aıtqan edi

Сейчас читают