Kıik sanaǵynyń nátıjesi jazda shyǵady
ASTANA. KAZINFORM — Byltyr el aýmaǵynda qansha kıik aýlandy? Bul suraqqa Ekologııa jáne tabıǵı resýrstar mınıstrligi jaýap berdi.
- 2025 jyly kıik popýlıatsııasynyń sanyn retteý aıasynda tabıǵı ortadan 196 173 kıik alyndy. Sondaı-aq, kıikterdi táýliktik aýlaý kólemi et óńdeý kásiporyndary men soıý pýnktteriniń kúndelikti ótinimderine qatań sáıkes júrgiziledi. Qazirgi ýaqytta kıik popýlıatsııasynyń sanyn retteý máselesi qarastyrylyp jatyr, - delingen mınıstrliktiń Kazinform agenttigine bergen jaýabynda.
Sonymen qatar vedomstvo 2026 jylǵy tóldi eskere otyryp esepteletin sanaq nátıjesi shilde aıynda belgili bolatynyn habarlady.
- Qazirgi ýaqytta kıikterdiń sany esepke alynyp jatyr, onyń nátıjeleri boıynsha jalpy sany jarııalanady, - dep atalyp ótken mınıstrlik aqparatynda.
Aıta keteıik, qazir kıik múıizin eksporttaýǵa arnalǵan qujattar pysyqtalyp jatyr.
Birneshe jyl buryn fermerler kıiktiń kóbeıýinen egin taptalyp jatqanyn aıtyp, olardyń sanyn retteýdi talap etti.
2025 jylǵy shilde aıynyń basynan beri Qazaqstanda kıik sanyn retteý maqsatynda olardy aýlaý júzege asty.
Eske salsaq, byltyr jazda Aýyl sharýashylyǵy mınıstrligi óńdeýshi kásiporyndarǵa kıik etiniń kılogramyn 1 600 teńgeden satýdy usyndy.