Kıik múıizin satyp, saqtaǵandardyń jazasy jeńildeıdi – Abzal Quspan

ASTANA. KAZINFORM –Konstıtýtsııanyń 30 jyldyǵyna oraı keıbir sottalǵandarǵa raqymshylyq jasaýdy kózdeıtin zań jobasyn talqylaý kezinde kıik atý, zańsyz balyq aýlaý sııaqty qylmystary úshin bas bostandyǵynan aıyrylǵandardyń moınyndaǵy memlekettik zalal bereshegi qalaı óndiriletini sóz boldy.

Bas prokýrordyń orynbasary Áset Shyndalıev raqymshylyq sharasy sottalǵan adamnyń materıaldyq bereshegine áser etpeıtinin, tek bas bostandyǵynan aıyrý merzimin qamtıtynyn túsindirdi.

- Ekologııalyq zalal keltirgeni úshin sottalǵan adamdar raqymshylyqqa ilinip, bosap jatsa, olardyń moınyndaǵy bereshek sol kúıi qalady. ıAǵnı, onyń kezeń-kezeńmen tolyq óteýge mindetti, - dedi ol. 

Zań jobasyn tanystyrǵan depýtat Abzal Quspan 2019 jyly ekologııalyq qylmystardyń jazasy kúsheıtilgen kezeńnen bastap 800-deı adam sottalǵanyn, sonyń 180-deıi qazir bas bostandyǵynan aıyrý mekemelerinde otyrǵanyn aıtty. 

- Osydan eki apta buryn ózimiz qabyldaǵan qylmystyq zańnamany ońtaılandyrý týraly zańnyń aıasynda biz Qylmystyq kodekske birneshe usynys berdik. Sonyń ishindegi 339-bapqa 1 qosymsha engizdik. Onyń ishine ózińiz aıtqan, qolyna qarý alyp, kıik atpaǵan nemese zańsyz ablyq aýlamaǵan, biraq ony jınap, satýǵa qatysqan azamattardyń isi qaıta qaralady. Bul norma buryn sottalyp ketken azamattarǵa qoldanylady. Qylmystyq kodekstiń 6-baby boıynsha zańnyń jeńildetý baǵytynda keri kúsh bolady. ıAǵnı, ol azamattardan ekologııalyq zalaldyń bárin ótese jazasy jeńildeıdi. Qazir zań jobasy Senatta jatyr. Senattan ótip memleket basshysy qol qoısa, 339-baptyń 1-qosymshasy arqyly jazalary jeńildeýi múmkin, - dedi depýtat. 

Eske salsaq, Konstıtýtsııanyń 30 jyldyǵyna arnalǵan raqymshylyq aıasynda 4,1 myń adam bosaıtyny málim bolǵan edi.