Kıik múıizin eksporttaý: normatıvtik-quqyqtyq aktiler ázirlenip jatyr
ASTANA. KAZINFORM — Kıik múıizin eksporttaýǵa arnalǵan qujattar pysyqtalyp jatyr. Bul týraly Ekologııa jáne tabıǵı resýrstar mınıstrligi málim etti.
Vedomstvo málimetine qaraǵanda, osy ýaqytqa deıin kıik múıizderin ótkizýdiń naqty tetigi aıqyndalmaǵan.
— Osyǵan baılanysty mınıstrlik qazirgi kezde kıik múıizderin ótkizý tártibin retteıtin tıisti normatıvtik-quqyqtyq aktilerdi ázirleý jáne qabyldaý boıynsha jumys júrgizip jatyr, — delingen mınıstrliktiń Kazinform agenttigine bergen jaýabynda.
Eske salsaq, byltyr jeltoqsan aıynda Qazaqstan kıik múıizin eksporttaıtyny málim boldy.
Al bıyl naýryz aıynda Ekologııa jáne tabıǵı resýrstar mınıstri Erlan Nysanbaev odan túsken qarajat qaı maqsatta jumsalatynyn aıtty. Aqsha bıoalýantúrlilikti saqtaýǵa, kıikterdi qorǵaýǵa, sharýashylyqtardy materıaldyq-tehnıkalyq qamtamasyz etýge jumsalady
Bul rette Saýda mınıstrligimen birge eksport júıesi pysyqtalyp jatyr.
