Kıik etinen 5 tonnadan astam konserv alyndy

ASTANA. KAZINFORM – Aýyl sharýashylyǵy mınıstrligi Kazinform saýalyna joldaǵan jaýabynda 2023 jyly kıik etinen qansha konserv jasalǵanyn málim etti.

«2023 jyly kıik etinen 5 425 kılogramm konserv óndirildi. Kıik etiniń konservisi Qostanaı oblysynda (Qostanaı jáne Arqalyq qalalarynda), Astanda satyldy», - delingen jaýapta.

Sondaı-aq, jaýapta kıik etin konservileýmen jalǵyz kásiporyn ǵana («Torǵaı et» JShS) aınalysqany aıtylǵan. Bul kásiporyn kıik etin konservileýdi 2023 jyldyń jeltoqsan aıynda toqtatqan.

«Et óńdeýshi kásiporyndar kıik etin qaıta óńdeýdi maqsat etip otyrǵan joq. Óıtkeni olar negizinen iri qara men usaq maldyń etin óńdeýge baǵdarlanǵan», - dep jazylǵan mınıstrlik málimetinde.