Kıik etin neshe kombınat satyp otyr

ASTANA. KAZINFORM — Aýyl sharýashylyǵy mınıstrligi Veterınarııalyq baqylaý jáne qadaǵalaý komıteti tóraǵasynyń orynbasary Marat Ibraev ortalyq kommýnıkatsııalar qyzmetinde ótken baspasóz máslıhatynda kıik etin satý qalaı uıymdastyrylǵanyn aıtty.

— Kıik etin óńdeý týraly aıtsaq, Batys Qazaqstan oblysynda jáne basqa qalalarda ónimdi satýǵa shyǵarmaı turyp zerthanada zerttep, sertıfıkattaıtyn, zaýyt qamtamasyna orap shyǵaratyn núkteler bar, — dedi ol.

Komıtet tóraǵasynyń orynbasary kıik eti konserv retinde satylymda bar-joǵyn bilmeıtin bolyp shyqty.

— Kıik etiniń baǵasyna kelsek, ony biz qadaǵalamaımyz. Eń bastysy, et zerthanada tolyqtaı tekserýden ótý kerek. Tek osydan keıin ǵana tamaqqa tutynýǵa bolady. Al konservilengen kıik eti saýdaǵa shyǵarylǵan-shyǵarylmaǵanyn jazbasha jaýapta aıtaıyq. Óıtken bul másele bizdiń komıtettiń quzyryna kirmeýshi edi, — dedi komıtet ókili.

Eske salsaq, byltyr kúzde Aýyl sharýashylyǵy mınıstriniń orynbasary Amanǵalı Berdalın qazaqstandyqtardy kıik etin qoryqpaı alýǵa úndegen edi.