Kıik atýdan bas tartqan joqpyz – Erlan Nysanbaev

ASTANA. KAZINFORM – Ekologııa jáne tabıǵı resýrstar mınıstri Erlan Nysanbaev kıik sanyn retteý saıasaty týraly mınıstrlik taratqan aqparatqa túsinikteme berdi. 

Máseleniń máni

Eske salsaq, vedomstvonyń baspasóz qyzmeti sarapshylar bul joly kıik sanyn retteýde izgilikke qaıshy tásilderden bas tartqanyn málim etken bolatyn. 

Osylaısha mamandar atýdyń ornyna mynandaı tásilderdi qoldanatyny aıtylǵan:

— Spýtnık arqyly baqylaý jolymen kıik mıgratsııasy men shoǵyrlanýyn monıtorıngileý jáne boljaý;

— Kıik sanyn bıologııalyq shekterde (arnaıy qaýmaldarda) ustaý úshin uzaq merzimdi ǵylymı negizdelgen jospar ázirleý;

— Fermerlerge qoldaý tetikteri — qorshaý quraldaryna sýbsıdııalar, zalaldy óteý ádistemesin ázirleý;

— Tıisti zańnamalyq ózgerister — kıik qozǵalys dálizderimen úılestirip, jaıylymdardy basqarý.

Mınıstrdiń ustanymy

Alaıda mınıstr Erlan Nysanbaev bul málimettiń shyndyqqa janaspaıtynyn aıtty.

— Bizde ondaı ustanym joq. Biz ǵalymdardy jınap, solardyń aldyna osy máseleni qoıǵanbyz. Qazir atýdan bas tartqan joqpyz. Prezıdenttiń tapsyrmasy boıynsha jumys istep jatyrmyz. Biraq bizge ǵylymı negizdeme kerek. Onsyz eshteńe jasaı almaımyz. Naqty sheshim kelesi aptada belgili bolady, — dedi vedomstvo basshysy.

Buǵan deıin eldiń birneshe óńirinde 20 myńnan astam kıik óleksesi jınalǵanyn jazǵan edik.