Kıiz úıge jáne «Salıýt-1» stansasyna arnalǵan kollektsııalyq monetalar shyǵarylady
«Dala qazynasy» serııasynyń jalǵasy retinde KIIZ ÚI kollektsııalyq monetalary shyǵarylady. Onyń nomınaldary 5 000 jáne 500 teńge, kúmisten jasalǵan.
Kıiz úı – kóshpeli túrki halyqtarynyń ǵasyrlar boıy qalyptasqan dástúrin saqtaǵan, ulttyq qazyna sanalatyn dástúrli qonysy. Ol adam men dúnıeniń, kúndelikti ómir men mádenıettiń ózara baılanysyn beıneleıdi.
Monetalardyń aversinde kıiz úı men dala keńistigi beıneleriniń aıasynda Memlekettik eltańba ornalasqan, monetalardyń nomınalyn bildiretin massasy 1 000 gramdyq monetada – «5 000 TEŃGE» jáne massasy 31,1 gramdyq monetada – «500 TEŃGE» degen jazý, sondaı-aq monetalar daıyndalǵan metall, synamasy men salmaǵy týraly málimetter bar.
Monetalardyń reversinde kıiz úıdiń, onyń ishki jabdyǵynyń beınesi men kóshpendi halyqtardyń etnomádenı ómirin aıqyndaıtyn turmystyq zattar beınelengen.
Monetalar ınterferentsııa qubylǵysh beıneleý jáne altyn jalatý tehnologııasyn qoldana otyryp 925/1000 synamaly kúmisten jasalǵan, massasy – 1 000 gramm, dıametri – 100 mm, sapasy – «proof», nomınaly – 5 000 teńge, taralymy – 350 dana. Nomınaly – 5 00 teńgelik moneta ınterferentsııa qubylǵysh beıneleý jáne altyn jalatý tehnologııasyn qoldana otyryp 925/1000 synamaly kúmisten jasalǵan, salmaǵy – 31,1 gramm, dıametri – 38,61 mm, taralymy – 5 000 dana.
SALIÝT-1 kollektsııalyq monetalarynyń nomınaly 500 teńgelik tantal bar kúmisten, nomınaly 200 teńgelik melhıor qospasynan jáne nomınaly 100 teńgelik neızılber qospasynan jasalǵan. Ol «Ǵarysh» serııasymen shyǵarylady. Monetalar Baıqońyr ǵarysh aılaǵynan basqarylatyn álemdegi alǵashqy «Salıýt-1» orbıtalyq ǵarysh stantsııasynyń ushyrylǵanyna 50 jyl tolýyna oraılastyrylǵan.
Moneta aversiniń ortalyq bóliginde ótken men búginniń baılanysy retinde adam men ǵalamnyń birligin bildiretin kompozıtsııa beınelengen.
Monetalardyń syrt jaǵynda (reversinde) ortasynda «Salıýt – 1» orbıtalyq ǵarysh stantsııasynyń beınelengen. Aınaldyra – monetalardyń memlekettik tildegi, orys jáne aǵylshyn tilindegi aty, sondaı-aq oqıǵanyń mereıtoılyq datasyn bildiretin «1971-2021» jazýy bar. Sol jaǵynda – ǵaryshtan kórinetin Jer betiniń beınesi. Tómengi bóliginde - aǵylshyn tilindegi BAIKONUR jazýy bar.
Monetalar massasy 41,4 gramm kúmisten jáne tantaldan (saqına – 925 synamaly kúmisten, massasy 14,6 gramm, dısk – massasy 26,8 gramm tantaldan) daıyndalǵan, dıametri 38,61 mm, «proof» daıyndaý sapasymen, nomınaly 500 teńgelik, taralymy – 2500 dana;
MN 25 melhıor qospasynan daıyndalǵan, massasy 15 gramm, dıametri 33 mm, «proof-like» daıyndaý sapasymen, nomınaly 200 teńgelik, daıyndaý taralymy – 10 000 dana;
MNTs 15-20 neızılber qospasynan daıyndalǵan, massasy 11,17 gramm, dıametri 31 mm, «uncirculated» daıyndaý sapasymen, nomınaly 100 teńgelik, daıyndaý taralymy – 100 000 dana.
Bul monetalardyń barlyǵy olardyń belgilengen quny boıynsha Qazaqstan Respýblıkasynyń búkil aýmaǵynda tólemderdiń barlyq túri boıynsha, sondaı-aq bank shottaryna esepteý úshin jáne Qazaqstan Respýblıkasynyń barlyq bankterinde aýdarý, usaqtaý jáne aıyrbastaý úshin qabyldanýǵa jatady.
Monetalar kádesyılyq oramda shyǵarylady, olardyń memlekettik, orys jáne aǵylshyn tilderinde QUB-tyń nómirlik sapa sertıfıkaty bar.
Kollektsııalyq monetalar Qazaqstan teńge saraıynda daıyndalǵan. Monetalardyń satylymǵa shyǵatyn kúnine qatysty aqparat Ulttyq banktiń saıtynda qosymsha habarlanady.