Qıyn kelissózde ózińniń jáne qarsy taraptyń emotsııasyn qalaı basqarýǵa bolady?
ASTANA. KAZINFORM — Kelissóz kezinde óz emotsııańyzdy basqarý – ózińizdi tereń túsinýdi jáne ishki jaǵdaıyńyzdy basqarý qabiletin talap etetin óner. Al áńgimelesýshi taraptyń emotsııasyna yqpal etý – qıyn daýlar kezindegi eń joǵary deńgeıdegi qabilet. Medıtsınalyq tehnologııalar jáne aqparattyq júıeler ortalyǵynyń (MTAJO) HR ortalyǵynyń jetekshisi Aınur Qamarova osyǵan qatysty neni jáne qalaı jasaý kerektigi jóninde birneshe keńes berdi.
MTAJO 12 jyldan astam ýaqyttan beri QR Prezıdenti Іs basqarmasynyń jáne ózge de uıymdardyń qyzmetkerlerin oqytýmen aınalysyp keledi. Ortalyq olardyń ishinde kelisssózderdi saýatty júrgizýge de oqytady.
Maqsattardy este saqtaý
Sarapshynyń aıtýynsha, eń bastysy – ózińniń egońnyń emotsııa kezinde qalaǵanyna qol jetkizýine jol bermeý.
«Kóp adam daýdyń eń shıryqqan kezinde bir jalǵyz qatelik boı aldyrady, ıaǵnı ózin ustaı almaı, ashý shaqyryp, esikti tars jaýyp, kelissózdi úzip tastaıdy. Biraq bulaı isteý arqyly biz eshqandaı nátıjege jete almaımyz, tek qana ashýymyzdy shyǵaramyz. Budan biz baıyp, ne isimiz alǵa basyp kete me, óz isimizge kómektese alamyz ba? Joq, bulaı biz óz maqsatymyzǵa qaraı bir qadam da jyljı almaımyz. Naǵyz óner nege qol jetkizýdi qalaıtynyń týraly oılaýmen baılanysty. ıAǵnı, jalaqyny arttyrý, jańa kelisimshart jasaý, jeńildikter alý. Mine, maqsattar. Oǵan emotsııalyq jarylystar arqyly jete alasyń ba? Kóp jaǵdaıda jaýap – Joq. Odan góri, ashýyńdy aqylǵa jeńdirý áldeqaıda tıimdirek», – dep túsindirdi Aınur Qamarova.
«Zákir» tehnıkasy
Baqylaı almaıtyn emotsııalaryńnyń jarylyp shyqpaýy úshin sarapshy ózińdi baqylaýda ustaý tehnıkasyn qoldanýdy mańyzdy dep sanaıdy.
«Zákir» tehnıkasy siz úshin tynyshtyq sezimimen baılanysty fızıkalyq jest nemese bir zatty qoldanýǵa negizdeledi. Mysaly, qolyńyzdaǵy bir zatty baıqatpaı qysyp ne myjyp turýǵa, bolmasa bilegińizdi saýsaqtaryńyzben túrtkilep turýǵa bolady. Bul tehnıkany turaqty túrde qoldaný sizdi tynyshtandyrady jáne ony stress jaǵdaılarynda únemi qoldanýǵa bolady», – dep atap ótti ol.
Úziliske arnalǵan «qıyn suraqtar»
Sondaı-aq, Aınur Qamarova sabyrǵa kelýge ýaqyt utý úshin áńgimelesýshi tarapqa qoıýǵa bolatyn birneshe qıyn suraqtardy aldyn-ala daıyndap qoıý qajettigin aıtady. Bul suraqtar óte mańyzdy bolýy tıis jáne tereń jaýapty talap etýi qajet. Qarsy tarap jaýap berip jatqanda sizde emotsııalyq tepe-teńdikke túsýge ýaqyt bolady.
«Emotsııalyq jańǵyryq» ádisi
Bul ádis sizge ózińizdi ne basqa adamdy sabyrǵa keltirý qajet bolǵan kezde qoldanylady:
«Eger áńgimelesýshi tarap negatıv emotsııasyn tanytatyn bolsa, sabyrmen jáne janashyrlyqpen onyń sózderin qaıtalańyz: «Men sizdiń qalaı túńilip turǵanyńyzdy túsinemin», «Men bul sizdiń ashýyńyzdy týdyratynyn kórip turmyn». Onyń emotsııasyn qabyldaý onyń negatıvteriniń jıiligin báseńdetip, sizdiń onyń sezimin túsinetinińizdi kórsetedi. Sol arqyly ony sabyrǵa shaqyra alasyz. Bul emotsııalyq aýyr jaǵdaıdy seıiltip, túsinistik atmosferasyn qalyptastyrady. Bul óz kezeginde sizdiń óz emotsııańyzdy basqarýyńyzǵa kómektesedi».
Pozıtıvti shaǵyn aral
Eger áńgimelesýshiniń ózine jaıly jaǵdaı týǵyzý qajet bolsa, ony pozıtıvti shaǵyn aral ádisin qoldanýǵa bolady.
«Qysym teńizinen sizben áńgimelesýshini sabyrlyqqa ákeletin jaıly araldy izdep tabyńyz. Bul oǵan unaıtyn oqıǵa nemese onyń pozıtıvti emotsııasyn týdyratyn taqyryp bolýy múmkin. Qysym kúsheıip bara jatqanda áńgimeni osy taqyrypqa aýystyryńyz. Bul áńgimelesýshińizdiń nazaryn jaıly baǵytqa burady», – dep atap ótti sarapshy.
Aınur Qamarova qorytyndylap aıtqandaı, kelissóz barysynda emotsııany basqarý zamanaýı iskerlik áleminde kásibı sáttilikke qol jetkizýdiń ajyramas bóligi. Bul daǵdyny damytý ýaqyt pen tájirıbeni qajet etedi. Al ony ıgergen adam aldynda maqsattarǵa qol jetkizýde jańa kókjıekter ashylady. MTAJO kýrstary bul ónerdi úırenip, kelissóz sheberi ataný úshin qajetti ádis-tásilderdiń bárin usynady.
