Kıikti zańsyz atqan úsh qyzylordalyq ustaldy

ASTANA. QazAqparat - Qyzylorda oblysy Jalaǵash aýdanynda 10 kıikti atyp alǵan brokonerler ustaldy, dep habarlaıdy QazAqparat QR AShM Orman sharýashylyǵy jáne janýarlar dúnıesi komıtetine silteme jasap. 

Komıtettiń baspasóz hatshysy Dildahmet Sákenniń aıtýynsha, 31 qańtarda saǵat 19:20 shamasynda RMQK «Ohotzooprom» ÓB» Ortalyq óńirlik fılıalynyń ınspektorlary men Jezqazǵan ishki ister basqarmasy jergilikti polıtsııa qyzmeti tabıǵat qorǵaý bóliminiń qyzmetkerleri birlesken qorǵaý jumystary barysynda Qyzylorda oblysy Jalaǵash aýdanyna qarasty aýmaqta « Toyota Land Cruiser 100» markaly memleketik nómiri 115 AYA 11 avtokólikte Qyzylorda qalasynyń úsh azamatyn quryqtaǵan.

«Avtokólikti tekserý barysynda 10 bas kıik týshasyn (2 atalyǵy men 8 bas analyǵy) tabyldy. Oqıǵa bolǵan jerge Syrdarııa aýdandyq ishki ister bóliminiń jedel tergeý toby shaqyryldy», - deıdi Dildahmet Sáken.
Bastapqy málimet boıynsha tabıǵatqa 9 139 000 teńge zazal keltirilgen.