Kıikterdiń jappaı qyrylýyna pasterellez aýrýy sebep bolǵan
ALMATY. Mamyrdyń 31-i. QazAqparat /Erbol Azanbek/ - Veterınarııa qyzmetiniń saraptamasy boıynsha Batys Qazaqstan oblysy aýmaǵynda kıikterdiń jappaı qyrylýyna pasterellez aýrýy sebep bolǵan. Bul týraly búgin Almatyda arnaıy ótken baspasóz máslıhatynda aıtyldy,
dep habarlaıdy QazAqparat.
QR Bilim jáne ǵylym mınıstrliginiń Zoologııa ınstıtýtynyń jetekshi ǵylymı qyzmetkeri, bıologııa ǵylymynyń kandıdaty ıÝrıı Grachevtiń aıtýynsha, aýrýdyń týýyna sebepker «Pasteurella multocida» bakterııasy deni saý janýarlardyń denesinde de bolady. Al ol qozǵan jaǵdaıda aýrýdy toqtatý múmkin emes. Onyń aıtýynsha, kıikterdiń bul aýrýǵa ushyraýyna janýarlardyń qalyń qarly qystyń uzaqqa sozylýynan organızmi álsirep qalýy da sebepker bolýy múmkin. «Áıtse de, tolyqqandy tekseristerdiń qorytyndysyn tosý kerek», deıdi ıÝ.Grachev. «Ohotzooprom» RMQ bas dırektorynyń orynbasary Sergeı Orlovtyń aıtýynsha, sońǵy 4-5 kúnde kıikterdiń ólýi toqtaǵan. Tikushaqpen baqylaǵan jaǵdaıda 1,5 myń shamasynda shoǵyrlanǵan tabyndardy kórýge bolady.
Esterińizge sala keteıik, buǵan deıin habarlanǵandaı Batys Qazaqstan oblysynyń Qaztalov jáne Jánibek aýdandarynda 18-24 mamyr aralyǵynda 12 myń bas kıik ólgen bolatyn. Ótken jyldyń sanaǵy boıynsha Qazaqstan aýmaǵynda 81 myń bas kıik bar. Bul janýarlardyń jappaı qyrylýy birinshi ret kezdesip otyrǵan joq. Byltyrǵy jyly da olardyń ólim-jitimi bolǵan. Al eń kóp kıik ólimi 1984 jyly aqpan-sáýir aılarynda oryn alǵan. Onda 250 myń bas, 1981 jyly Torǵaı oblysynda 180 myń bas, 1988 jyly mamyr aıynda 500 myń bas janýar ólgen. Komıssııanyń qorytyndysy boıynsha, olardyń jappaı qyrylýyna barlyq kezde pasterellez aýrýy sebep bolǵan.
