Kıikterdiń tóldeý kezeńinde zymyran bólikteriniń qulaý aýdanyn paıdalaný shekteledi

NUR-SULTAN. QazAqparat – «Baıqońyr» ǵarysh aılaǵynan tasymaldaǵysh zymyrandy árbir ushyrǵan saıyn jaqyn mańdaǵy eldi mekenderdiń tirshilik ortasyna gıgıenalyq baǵa berý jumysy júrgizilip otyrady. Bul týraly Májilistiń jalpy otyrysynda QR Tsıfrlyq damý, ınnovatsııalar jəne aeroǵarysh ónerkəsibi mınıstri Baǵdat Mýsın málim etti, dep habarlaıdy QazAqparat tilshisi.

Aıta keteıik, búgin palatanyń jalpy otyrysynda «QR Úkimeti men RF Úkimeti arasyndaǵy polıar mańyndaǵy orbıtalarǵa soltústik baǵytta ǵarysh apparattaryn ushyrý úshin «Baıqońyr» ǵarysh aılaǵynan «Soıýz-2» tıpindegi tasymaldaǵysh zymyrandardy ushyrýdy júzege asyrý jónindegi yntymaqtastyq týraly kelisimdi ratıfıkatsııalaý týraly» zań jobasy maquldandy.

«Tasymaldaǵysh zymyrandy árbir ushyrǵan saıyn jaqyn mańdaǵy eldi mekenderdiń tirshilik ortasyna gıgıenalyq baǵa berý jumystary júrgizilip otyrady. Qorshaǵan orta nysandarynyń synamalary alynyp, turǵyndardyń densaýlyq kúıine skrınıng júrgiziledi. Sonymen qatar, qulaý aýdanyn paıdalaný kezinde janýarlar men ósimdikter álemine jyl saıyn monıtorıng júrgizý kózdelip otyr», - dedi B. Mýsın.

«Tabıǵat qorǵaý uıymdarynyń kıikterdiń tóldeý jáne qustardyń uıa salý kezeńinde qulaý aýdanyn paıdalanýdy shekteý týraly talaptar oryndalady. ıAǵnı sáýir men maýsym aılary aralyǵynda tasymaldaǵysh zymyrandar ushyrylmaıdy», - dedi mınıstr.