Kıikterdiń ólimine qatysty kináli azamattarǵa nemese mekemege qylmystyq is qozǵalýy múmkin - Aýyl sharýashylyǵy mınıstrligi
ASTANA. Mamyrdyń 21-i. QazAqparat /Aıdar Ospanalıev/ - Búgin Batys Qazaqstan oblysyndaǵy 2 myń kıiktiń óligi tabylǵan aımaqqa tekserý jumystaryn júrgizý maqsatynda arnaıy sala mamandary shyǵady,
dep habarlaıdy QazAqparat.
Aýyl sharýashylyǵy mınıstrliginiń Orman jáne ańshylyq sharýashylyǵy komıtetiniń tóraǵasynyń Erlan Nysanbaevtyń aıtýynsha, atalmysh top quramynda Batys Qazaqstan oblysynyń ákimi, prokýratýra, Tótenshe jaǵdaılar men Aýyl sharýashylyǵy mınıstrliginiń jáne sanıtarlyq-epıdemıologııalyq qadaǵalaý salasynyń mamandary bar.
«Erteń keshkisin biz kıikterdiń ne sebepten ólgendigin naqty anyqtap, jaǵdaıdy bilip qaıtamyz. Eger kıikterdiń ólimine qandaı da bir adamı faktorlar áser etken jaǵdaıda oǵan kináli azamattarǵa nemese tıisti mekeme basshylaryna qatysty qylmystyq is te qozǵalýy múmkin. Sebebi 2 myń kıik degenińiz óte úlken shyǵyn», dedi komıtet tóraǵasy.
