Kıikterdiń qyrylýyna keneler sebep boldy - sarapshy

ASTANA. QazAqparat - Bıyl kóktemde kıikterdiń qyrylýyna keneler sebep boldy. Bul týraly búgin Astanada QR AShM janynda Betpaqdala popýlıatsııasyndaǵy kıikterdiń qyrylýyn anyqtaý boıynsha jumys tobynyń otyrysynda veterınarııa ǵylymdarynyń kandıdaty Ádilqasym Jaqypbaev málim etti.

Otyrys barysynda ol kıikterdiń jappaı qyrylýynda birinshi sebep pasterellez emes ekein atap ótti. Ǵalymnyń sózinshe, janýarlardyń óleksesinen paralıch, aıaqtarynda jaralar sekildi belgiler anyqtaldy. Bundaı jaǵdaılar kene entsefalıtinde paıda bolady, ıaǵnı, jaýar aıaqtaryn basa almaı, jyǵylady. «Ólekselerdi teksergen kezde pasterellez emes, teılerıozdyń belgileri baıqalady. Theileria annulata qozdyrǵyshy kıikterdiń aǵzasynda parazıtti tirshilik etedi. Janýarlar osynyń saldarynan jeńil túrde aýyryp, keıinnen jazylyp ketedi. Alaıda kóktemde kóshi-qonda keneler shaqqan kezde Theileria jandanyp, teılırıoz indeti týyndaıdy. Sonymen birge ash kenelerdiń silekeıinde ýly zattar bólgendikten, kene paralıchin týdyrady. Pasterelez kez kelgen janýardyń aǵzasynda bar. Osy oraıda pasterellez birinshi faktordan keıin kıikterde ekinshi ınfektsııa retinde týyndap otyr», - dedi ol. Osy oraıda Á.Jaqypov kıikter júrip ótetin aýmaqtarda kenelerdiń taralýyna jol bermeý jumystaryn júrgizý kerektigin aıtty. Onyń paıymynsha, kóktemde janýarlardyń qyrylýynyń aldyn alý úshin tıisti sharalardy qazirden bastap atqarý kerek.