Kıikterdiń qyrylýy boıynsha zertteý qorytyndysy maýsymnyń aıaǵynda jarııa etiledi
ASTANA. QazAqparat - Qazaqstandaǵy kıikterdiń jappaı qyrylý sebepterin zertteýmen aınalysyp júrgen komıssııanyń qorytyndysy 3 aptada daıyn bolady.
Bul týraly QR AShM Orman sharýashylyǵy jáne janýarlar álemi komıtetiniń tóraǵasy Baǵdat Azbaev aıtty.
«Biz úshin bul úlken qasiret. Kıikterdiń ólekseleri tabyla bastaǵan kezde-aq mınıstrlik janynan arnaıy jumys toby qurylǵan bolatyn. Oǵan ǵylymı qyzmetkerler, sheteldik sarapshylar, otandyq mamandar kirgen. Meniń oıymsha, bul jumys toby oqıǵanyń naqty sebebin anyqtaýy tıis», - dedi B.Azbaev.
Onyń aıtýynsha, búgingi kúnde kıikterdiń qyrylýyna ne sebep boldy degen kóptegen boljamdar bar. Olardyń negizgileri - ekologııanyń buzylýy jáne pasterellez. Keıbir top kıikterdiń jappaı qyrylýyn sol mańaıdan malshylar taýyp alǵan jumbaq ǵaryshtyq nysanmen baılanystyrady.
«Degenmen jumys toby naqty bir sheshimge kelýi tıis. ıAǵnı barlyq nusqalardy jan-jaqty zertep, anyq-qanyǵyna kóz jetkizýimiz qajet. Qorytyndy sheshim 3 aptanyń kóleminde shyǵarylady». - dedi ol.
Jańa derekter boıynsha, búgingi tańda qyrylǵan kıikterdiń sany 127 myńnan asty. Mınıstr A. Mamytbekovtiń aıtýynsha, bul san janýarlardyń ólekselerin tikushaqtarmen jáne basqa da tehnıkalarmen izdeýdiń nátıjesinde kóbeıip otyr.
