Kıikterdiń qyrylý sebebi áli anyqtalǵan joq - E. Nysanbaev
"Ekspedıtsııalyq jumystardy negizgi qatysýshylar - Bilim jáne ǵylym mınıstrliginiń, Bıologııalyq qaýipsizdik ǵylymı-zertteý ınstıtýtynyń, Zoologııa ınstıtýtynyń, Botanıka ınstıtýtynyń ǵylymı mekemeleri qyzmetkerleri ótkizdi. Sonymen qatar Ulybrıtanııadan - Brıtan veterınarııalyq kolledji jáne Germanııa ǵalymdary keldi. Biz texnıkalyq kómek uıymdastyrdyq, kólikpen qamtamasyz ettik. Ekspedıtsııa Baıqońyrdan bastalyp, Qostanaıǵa deıin 1600 shaqyrymǵa sozyldy, jalpy uzaqtyǵy 12 kún ótti", - dedi E.Nysanbaev.
Onyń sózi boıynsha, jol jónekeı jer, sý, ósimdik úlgileri alynyp otyrdy. Degenmen atalmysh zertteýden mınıstrlik esh jaýap tappady.
Vıtse-mınıstrdiń aıtýynsha, kıikterdiń jappaı qyrylýyna sebep bolǵan jaıttyń belgisiz bolýy basty bas aýrýǵa aınaldy. Sebebi onsyz kelesi jyly da bul náýbettiń jolyn tyıýǵa múmkindik joq. Pasterellez aýrýy buǵan sebep retinde qarastyrylǵanymen, ǵalymdar oǵan kúdikpen qaraıdy. Sondyqtan mınıstrlik kıikterdiń qalǵan popýlıatsııasyna qadaǵalaýdy kúsheıtken. Olardyń kóshý barysy baqylanyp otyrady.