Kıikterdi mashınasymen soǵyp óltirgen qostanaılyq sottaldy
QOSTANAI. QazAqparat – «Qyzyl kitapqa» engen eki kıikti kóligimen soǵyp óltirgen azamat 2 jylǵa sottaldy, dep habarlaıdy QazAqparat oblystyq polıtsııa departamenti baspasóz qyzmetine silteme jasap.
Tártip saqshylarynyń aıtýynsha, 36 jastaǵy er adam Naýyrzym aýdanynyń Óleńdi aýyly mańynda jaıylyp júrgen 4 kıikti óziniń «Nıva» kóligimen qýa jónelgen. Nátıjesinde ol eki janýardy qaǵyp óltirdi.
«Qylmysker zańsyz atqan kıiktiń birin kóligine tıep alyp, ekinshisin sol jerge tastap ketken. Osy ýaqytta jaqyn mańnan ótip bara jatqan Naýyrzym aýdanynyń turǵyny qylmyskerdiń áreketine kýá bolady. Ol kóliktiń sońyna túsip, bolǵan jaıdy polıtsııaǵa habarlap aıtqan. Tártip saqshylary kúdiktini kóp uzatpaı qolǵa túsirdi»,- delingen polıtsııanyń baspasóz habarlamasynda. Naýyrzym aýdanynyń Polıtsııa bólimi kúdiktige qatysty QR QK 337- baby («Zańsyz ań aýlaý») boıynsha tergeý júrgizdi. Aýdandyq sottyń úkimimen Qostanaı qalasynyń 36 jastaǵy turǵyny eki jylǵa bas bostandyǵynan aıyryldy. Onyń orman sharýashylyǵyna keltirgen shyǵyny 6 mln teńgeden asady.
Esterińizge salaıyq, kıikter sırek kezdesetin jáne joıylyp ketý qaýpi bar janýarlar qataryna jatady.
