Kıikterdi kóligimen soǵyp óltirgen qostanaılyq ustaldy
QOSTANAI. QazAqparat – Kıikterdi zańsyz aýlaýdyń jıileýine baılanysty Qostanaı oblysynyń polıtsııa departamenti jedel áreket etý toptaryn qurdy, dep habarlaıdy QazAqparat.
Oblystyq polıtsııa departamentiniń baspasóz hatshysy Irına Bejenardiń sózinshe, mobıldi top quramyna engen tájirıbeli qyzmetkerler janýarlardyń qaýipsizdigine jaýap beredi jáne olarǵa qastandyq jasaý faktileriniń aldyn alady. Sondaı derekterdiń biri Naýyrzym aýdanynda bolǵan.
«VAZ-2121» kóligin mingen Qostanaı qalasynyń turǵyny «Qyzyl kitapqa» engen eki kıikti soǵyp óltirgen. Kólik ishinde taǵy bir jolaýshynyń bolǵany anyqtaldy. Olar bir janýardyń terisin kóliktiń júksalǵyshyna tıep, jasyrýǵa tyrysqan. Alaıda, olar bógde kólikterden qorqyp, kıik terisin laqtyryp tastaǵan», – dedi Irına Bejenar.
Kúdiktilerdi ustaý jospary jasalyp, oǵan jedel top qyzmetkerleri jumyldyryldy. Eki saǵat ishinde oqıǵa ornynan 3 0shaqyrym aýmaqta «VAZ-2121» kóligin mingender ustaldy. Olar 35 jastaǵy Qostanaı qalasy men Naýyrzym aýdanynyń turǵyndary bolyp shyqty.
Qazirgi ýaqytta QR QK 337-baby (zańsyz ań aýlaý) boıynsha sotqa deıingi tergeý júrgizilýde.
