Kıikterdi atqan brakonerler 75 mln teńge tóledi ári sottaldy

Yrǵyz aýdandyq sotynda N., M., B. jáne  K.-ny Qazaqstan Respýblıkasy Qylmystyq Kodeksiniń 337-baby 5-bóligi 2-tarmaǵymen (zańsyz ańshylyq - asa iri zalal keltire otyryp, jarylǵysh qurylǵylardy nemese janýarlardy jappaı qyryp-joıatyn ózge de quraldardy qoldanyp, sol sııaqty avıa, avto, motokólik quraldaryn, onyń ishinde qarda júretin tehnıkany ne shaǵyn kólemdi kemelerdi qoldanyp zańsyz ań aýlaý) aıyptaý týraly qylmystyq isi qaraldy.

Sotta anyqtalǵandaı, olar aldyn ala sóz baılasqan adamdar toby bolyp, qasaqana paıdakúnemdik nıetterimen, aýlaýǵa tolyq tyıym salynǵan kıik ańyna zańsyz ańshylyq jasap, memleketke asa iri mólsherde zalal keltirý maqsatynda, «Úamana» ı «Arstisat» markaly qarshana tehnıkalaryn paıdalanyp jáne «MR-155» modeldi 12 kalıbrli 7 atar ańshy myltyǵyn qoldanyp, «№1-Atanbas», «Tebizsorda» ( erekshe qorǵalatyn tabıǵı aýmaq) zańsyz ańshylyq jasap, 19 bas kıik tekesin atyp alǵan. Olar memleketke barlyǵy 77 599 800 teńge mólsherde asa iri mólsherde zalal keltirgen»,-delingen sot habarlamasynda.

Sotta sottalýshylar N. pen M. óz kinálaryn tolyq moıyndady jáne keltirilgen shyǵynnyń bir bóligin ótedi. B. men K. kinálaryn moıyndaǵan joq jáne ózderin aqtaýdy surady.

Sot úkimimen N., M., B. jáne K. Qazaqstan Respýblıkasy QK-niń 337-baby 5-bóligi 2-tarmaǵymen kináli dep tanylyp, N. pen M. úsh jyldan, al B. pen K. tórt jyldan bas bostandyǵynan aıyrý jazalary taǵaıyndaldy jáne sottalǵandar ań aýlaý quqyǵynan, ań aýlaý qarýyn, onyń oq-dárilerin saqtaý men alyp júrý quqyqtarynan bes jyl merzimge aıyryldy.

Sonymen qatar, azamattyq talap aryz qanaǵattandyrylyp, sottalǵandardan ortaqtasqan túrde memleket kirisine 73 199 800 teńge mólsherde keltirilgen zalal, 2 195 994 teńge mólsherde memlekettik baj óndirildi.

Qylmys quraly - qarshana tehnıkalary jáne ańshy myltyǵy memleket paıdasyna tárkilendi, qalǵan aıǵaq zattar qundylyǵy bolmaýyna baılanysty joıyldy.

Úkim zańdy kúshine endi.