Kıikter jylyna myńdaǵan kılometr júrip ótedi
ASTANA. QazAqparat - «Qazaqstan Ǵarysh Sapary» UK» AQ Geoaqparattyq derekter men servıster ortalyǵymen kıikterdiń tóldeý jerlerde jáne jabaıy tuıaqty janýarlar taralýy bar jerlerde jaıylym jaǵdaıy men topyraq qabatynyń dymqyldyǵyna monıtorıng júrgizilýde. Bql týraly QR Qorǵanys jáne aeroǵarysh ónerkásibi mınıstrliginiń baspasóz qyzmeti habarlaıdy.
Jerdi qashyqtyqtan zondtaý (JQZ) qazaqstandyq ǵaryshtyq júıesiniń spýtnıkteri arqasynda QR Orman jáne ań aýlaý sharýashylyǵy komıtetiniń tapsyrysy boıynsha 2018 jyly kıikterdiń tóldeý jerlerinde ósimdik jamylǵysyn damytý boıynsha derekter alyndy.
Sonymen qatar QR shóldi jáne jartylaı shóldi zonalarynda jabaıy tuıaqty janýarlarǵa paıdalanylatyn jaıylymdar negizinde dala jumystary júrgizilýde. Bul málimetter qorshaǵan ortanyń jaǵdaıyn baǵalaý tolyqqandy ádisin damytý úshin negiz bolady.
Spýtnıktik aqparat kómegimen qorshaǵan ortanyń jaǵdaıyn baqylaý jerústi zertteý barysynda alynatyn jetkiliksiz málimetterdi toltyrýǵa qabiletti ekenin atap ketý jón.
Spýtnıktik aqparat jerústi monıtorıngpen salystyrǵanda shyǵyndy az ketiredi, sondaı-aq barlyq kóship-qoný marshrýtynda joǵary dáldilik pen obektıvtilikpen qorshaǵan ortanyń jaǵdaıyn baǵalaýǵa múmkindik beredi.
Máselen kıikterdiń (Saiga tatarica) Qazaqstan aýmaǵynda eki iri taralýy bar: Ústirt jáne Betpaqdala. Janýarlar jyl saıynǵy kóshi-qon barysynda júzdegen jáne myńdaǵan kılometr júrip ótedi.
