Kıikter qazaq dalasynyń ár qıyryna taratylady
ASTANA. QazAqparat - Tólin órgizgen kıikter pasterellez indeti tirkelgen jerlerden alys aımaqtarǵa taratylatyn bolady, dep habarlady «QazAqparat» HAA tilshisi Qostanaı oblystyq tabıǵatty qorǵaý prokýratýrasyna silteme jasap
Bul quralaı salqyny kezinde kıiktiń osy túrin saqtaý jáne kıikterge qolaıly jaǵdaı týǵyzý maqsatyndaǵy jalǵyz shara emes. Atap aıtqanda, óńirlik tabıǵatty qorǵaý prokýratýrasy eki jyl buryn kıikter qyrylǵan oryndarda topyraqqa, sý, aýa jáne ósimdikterge organıkalyq lastaýyshtar men aýyr metaldardyń bolýyna keshendi zertteýler júrgizedi.
Budan basqa, tabıǵatty qorǵaý organdary kıikterdiń úı janýarlarymen baılanysyn shekteýge tyrysyp, «Altyn Dala» rezervatynda statsıonarlyq jáne mobıldi baqylaý-ótkizý pýnktteriniń sanyn arttyrý boıynsha birqatar sharalar ótkizedi. Kıikterdi brokonerlerden qorǵaý úshin qosymsha kúshter men tehnıka tartylady.
Qazirgi kezde Qostanaı oblysynyń aýmaǵynda kıikterdiń sany 1974 basty quraıdy, olardyń qonys aýdarýy jalǵasýda. 2015 jylǵy mamyrda Betpaqdala popýlıatsııasynda kıikter jappaı qyrylǵan sátten bastap olardyń sany edáýir azaıdy.
Eske salsaq, 2015 jyly úsh óńirde 134 myń kıik qyryldy. 2013 jyly Qostanaı, Aqtóbe, Aqmola oblystarynda pasterellezden - 1,5 myń, 2012 jyly - 1 myń, 2010 jyly 12 myńǵa jýyq kıik qyryldy.
