Kıik sanyn retteýge qatysty tyńǵylyqty zertteý qajet - Sklıar

ASTANA. QazAqparat – Brakonerlermen kúres barynsha sapaly deńgeıge kóterilýi tıis. Bul týraly QR Premer-Mınıstriniń birinshi orynbasary Roman Sklıar aıtty, dep habarlaıdy QazAqparat tilshisi.

«Jyl basynda Memleket basshysy ósimdik dúnıesine jáne ekologııalyq zań buzýshylyqtarǵa jaýapkershilikti kúsheıtýge qatysty mańyzdy zańdardy qabyldady. Zańǵa táýeldi normatıvtik-quqyqtyq aktilerdi sapaly ári ýaqytyly ázirleýdi qamtamasyz etýdi ótinemin. Brakonerlermen kúres barynsha sapaly deńgeıge kóterilýi tıis. Quqyq qorǵaý organdarymen jáne ózge de tabıǵatty qorǵaý vedomstvolarymen ózara is-qımyl arqyly kúzet is-sharalarynyń tıimdiligin arttyrý qajet», - dedi Roman Sklıar Ekologııa jáne tabıǵı resýrstar mınıstrliginiń keńeıtilgen alqa májilisinde.

Birinshi vıtse-premer kıik basyn retteýge qatysty máselege de toqtalyp ótti.

«Memleket basshysy kıik popýlıatsııasyn retteýge, onyń ishinde olardy aýlaý múmkindigine qatysty jumystardy júrgizýdi tapsyrdy. Bul baǵytta tyńǵylyqty ǵylymı zertteý qajet. Atalǵan is-sharany osy jyly bastaý kerek», - dedi Úkimet basshysynyń birinshi orynbasary.