Kıik popýlıatsııasyn retteýdiń ǵylymı negizdemesi qashan daıyn bolady

ASTANA. QazAqparat –Ekologııa jáne tabıǵı resýrstar mınıstri Zúlfııa Súleımenova kıik popýlıatsııasyn retteý máselesi boıynsha sheshim qashan qabyldanatynyn aıtty, dep habarlaıdy QazAqparat tilshisi.

«Mamyr aıynyń sońynda bizge halyqaralyq sarapshylar keldi. Olar Betpaqdala jáne Oral popýlıatsııasyn tekserdi, olardyń jaǵdaıyn qarady, tıisti usynymdaryn berdi. Sol rekomendatsııalardyń negizinde ǵylymı zertteý ınstıtýttary tıisti ǵylymı negizdeme daıyndap jatyr. Osy negizdeme aıasynda budan ári kıik polpýlıatsııasyn turaqty paıdalaný boıynsha sheshim qabyldaımyz», - dedi mınıstr.

Onyń aıtýyna qaraǵanda, kıik popýlıatsııasynan shyǵyn kórgen sharýalarǵa ótemaqy tóleý máselesi de osy negizdeme aıasynda rettelmek.

«Bizdiń jobalaýymyz boıynsha shildeniń sońy, tamyzdyń basynda ǵylymı negizdemeni ǵylymı ınstıtýttar engizýi kerek», - dedi Zúlfııa Súleımenova.

Eske salaıyq, Batys Qazaqstan oblysynyń ońtústik aýdandarynda sharýalar kıiktiń shekten tys kóbeıip ketýinen tótenshe jaǵdaı engizýdi surap otyr.