Kıik aýlaýǵa qatysty jeke qylmystyq bap engizilýi múmkin

NUR-SULTAN. QazAqparat – Qylmystyq zańnamaǵa kıik aýlaýǵa qatysty jeke bap enýi múmkin. Bul týraly QR Bas prokýrorynyń orynbasary Marat Ahmetjanov aıtty.

«Barkonerlik qylmystyń barlyq quramy boıynsha brakonerdiń qarýy men kóligin, múlkin tárkileý sharasy engiziledi. Zańsyz ańshylyq, zańsyz balyq aýlaý «teris qylyq» sanatynan «ortasha aýyr qylmys» sanatyna kóshirilýi tıis. Tipti jalǵyz ret brakonerlik jasaǵandar tabıǵatqa shyǵyn keltirmedi degen kúnniń ózinde, Qyzyl kitaptaǵy janýarlar zardap shekpese de bas bostandyǵynan aırylýy múmkin. Qoldanystaǵy zańnamada mundaı qylmys úshin 40 táýlikke qamaý sharasy qarastyrylǵan», - degen Bas prokýratýra ókili qoryqshyǵa qol kóterý polıtsııa qyzmetkerine shabýyl jasaý qylmysymen teńestirilý kerektigin aıtty.

«Júıeli túrde barkonerlikpen aınalysýdyń jaýapkershiligi kúsheıtiledi. Sırek kezdesetin ańdar men balyqtar aýlaý «aýyr qylmys» satnatyna ótedi. ıAǵnı, 6 jylǵa deıin bas bostandyǵynan aıyrý jazasy qarastyrylǵan. Uıymdasqan qylmystyq top quramynda brakonerlik jasaǵany úshin 10 jylǵa deıin bas bostandyǵynan aıyrý kózdelgen. Zańsyz kıik aýlaý jáne qyrý, múıiz saýdasy úshin jeke qylmystyq quram qarastyrylmaq. Al memlekettik ınspektorǵa kúsh qoldaný, ómirine qol suǵý áreketi quqyq qorǵaý qyzmetkerine shabýyl jasaý áreketimen teńestiriledi», - dedi Marat Ahmetjanov.