Kıik atqan brakonerler memleketke mıllıardtaǵan shyǵyn ákelýde
ASTANA. QazAqparat - Jyl basynan kıik atqan 55 brakoner ustaldy. Bul týraly búgin QR Parlamenti Májilisinde ótip jatqan «Ósimdikter men janýarlar dúnıesin qorǵaýdyń, ósimin molaıtýdyń jáne olardyń obektilerin ornyqty paıdalanýdyń ózekti máseleleri» taqyrybynda ótip jatqan «dóńgelek ústel» barysynda QR ІІM Tergeý departamentiniń basqarma bastyǵynyń orynbasary Murat Qorjynbaev málim etti, dep habarlaıdy QazAqparat
«Kıikterge brakonerlik eń ózekti problemalardyń biri bolyp otyr. Máselen, 2013-2015 jyldar aralyǵynda ishki ister organdarynda kıikterge zańsyz ańshylyqtyń kóptegen faktileri tirkelip, brakonerler 1 myńnan astam kıikti joıǵan. 4,5 myńnan astam kıik múıizi tárkilengen. Sot úkimen 264 adam sottaldy. Atalǵan úsh jyldaǵy keltirilgen shyǵyn 1 mlrd. teńdegen asady», - dedi ol.
Onyń sózine qaraǵanda, aǵymdaǵy jyldyń 10 aıynyń ishinde de ishki ister organdarynyń sotqa deıingi tergeýdiń biryńǵaı tizilimine kıikterdiń múıizin zańsyz satý jáne satyp alý boıynsha brakonerliktiń 47 faktisi tirkelgen.
«Atalǵan faktiler boıynsha 55 adam ustaldy. Olardan 214 kıiktiń tutas eti, 1222 kıik múıizi tabyldy. Sotqa 13 qylmystyq is jiberildi», - dedi Qorjynbaev.
