Qıǵash jəne Jaıyq ózenderin tereńdetý - baǵaly balyq tuqymdaryn saqtap qalý joly
ATYRAÝ. QazAqparat - Atyraý oblysynda Qıǵash jəne Jaıyq ózenderiniń túbin tereńdetý jumystary qarqyndy júrgizilip jatyr. Ózenderdiń túbin tereńdetý jumystary 2017 jyly bastalyp, kestege səıkes júrgizilýde, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Jaıyq jəne Qıǵash ózenderiniń túbin tereńdetý boıynsha is-sharalardyń basty maqsaty - balyq júretin arnalarda baǵaly balyqtyń joıylyp bara jatqan tuqymdarynyń ósimin ulǵaıtý, balyqtardyń ýyldyryq shashýǵa erkin ótýin qamtamasyz etý, ózen ortasynyń bıologııalyq alýan túrliligi úshin qolaıly jaǵdaılar jasaý, sondaı-aq melıoratsııa jəne ózen arnalaryn tereńdetý. Jobany iske asyrý úshin qarajat respýblıkalyq menshikten de, jergilikti bıýdjetten de bólindi. Qıǵash jəne Jaıyq ózenderiniń túbin tereńdetý jumystaryn merdiger uıym - "Pavlodar ózen porty" aktsıonerlik qoǵamy júrgizýde.
"Qıǵash ózeniniń topyraq jınaý jumystary júrgizilip jatqan ýchaskesiniń jalpy uzyndyǵy 150,7 shaqyrymdy quraıdy, túbin tereńdetýdi júrgizý merzimi 15 aı. Іs-sharalar ótken jyldyń jeltoqsanynda bastaldy, 2019 jyldyń aqpan aıynda aıaqtalady", -dedi "Pavlodar ózen porty" aktsıonerlik qoǵamynyń basqarma tóraǵasynyń orynbasary Maqsat Sadýaqasov.
Merdiger uıym ókilderiniń aıtýynsha Jaıyq ózeniniń túbin tereńdetý jumystary da ótken jyldyń jeltoqsan aıynda bastaldy. Jobaǵa səıkes topyraq 23,5 shaqyrym qashyqtyqtaǵy ýchaskede bastap jınalatyn bolady, sondaı-aq qashyqtyǵy 16,9 shaqyrym jańa ózen arnasy qazylatyn bolady.
"Jaıyq ózeniniń túbinde topyraqty qazý jəne ony betke shyǵarý jumystary 8 saǵattan eki aýysymda júrgizilýde. Operator men motorıst bir aýysymnyń ózinde ǵana 150 metrge deıin sý asty topyraǵyn jınaıdy. Jaıyq ózeniniń túbin tereńdetý de 2019 jyly aıaqtalatyn bolady", - dep naqtylady M.Sadýaqasov.
