Kıevtiń eki aýdanyna zymyran synyqtary qulady, qurban bolǵandar bar - jergilikti bılik
Reseı zymyrandarynyń synyqtary Kıevtiń ońtústik bóliginde, Darnıtskıı men Goloseev aýdandaryna qulaǵan. Bul týraly Kazinform Kıev áskerı ákimshiliginiń telegram kanalyna silteme jasap habarlaıdy.
«Zardap shekkender men qırandylar týraly aqparat naqtylanyp jatyr», - delingen habarlamada.
Kıevtiń azamattyq meri Vıtalıı Klıchok óziniń telegram arnasynda Goloseev aýdanynda zymyran synyǵy turǵyn úıdiń shatyryn qıratqanyn, onda jedel qyzmet bara jatqanyn habarlady. Keıinirek Darnıtskıı aýdanynda zymyran synyǵy qulaý saldarynan qurylysy aıaqtalmaǵan úıden órt shyqqanyn jazdy.
- Dárigerlerdiń habarlaýynsha, Darnıtskıı aýdanynda bir adam jaraqat alǵan, oǵan sol jerde medıtsınalyq kómek kórsetilip jatyr, - dep jazdy Klıchko.
Sál erterek ýkraınalyq monıtorıngtik jáne jańalyqtar telegram arnalary Kıevte jarylys daýystary estilgenin habarlady. Al buǵan deıin jergilikti ýaqyt boıynsha tańǵy saǵat bes kezinde Kıev pen oblysta zymyran soqqysynyń qaýpi týraly áýe dabyly soǵylǵan.
