Kıevtegi turǵyn úı kesheninde bolǵan jarylys: Úsh adam áli tabylmaı jatyr

KIEV. ÝKRINFORM – QazAqparat – Kıevte Poznıaktaǵy jarylystan keıin úsh adamnyń taǵdyry áli belgisiz kúıde qalyp otyr. Bul týraly Kıev meri Vıtalıı Klıchko oqıǵa ornynda jýrnalısterge málimdedi, dep habarlaıdy QazAqparat Ýkrınformǵa silteme jasap.

«Qutqarýshylar táýlik boıy jumys isteıdi jáne mundaı jaǵdaıda jumys isteýge qajet barlyq jabdyq bar. Qaıta opyrylyp qalmaý úshin úıdiń 1-2- qabattarynda bekitý arqalyqtaryn montajdaýdy aıaqtadyq. Sondaı-aq, mamandar kórshi úılerdi tekserip jatyr. Adamdarǵa qaýip tóndirmeý úshin olardyń qandaı kúıde ekenin naqty bilýimiz qajet», –dedi Klıchko.

Agenttiktiń habarlaýynsha, 21 maýsymda saǵat 10:00-de Kıevtiń Darnıtskıı aýdanyndaǵy kóshelerdiń birinde ornalasqan on qabatty turǵyn úıde gaz jarylyp, saldarynan besinshi, altynshy, jetinshi jáne segizinshi qabat opyrylyp qıraǵan.

Úıden 23 adam evakýatsııalanǵan. Taǵy úsh adam úıindi astynan shyǵaryldy.

Oqıǵa ornynda tótenshe jaǵdaılardy joıý jónindegi shtab, Tótenshe jaǵdaılar jónindegi memlekettik qyzmettiń jedel mobıldi toby men Ulttyq polıtsııa qyzmetkerleri jumys isteýde.

Jarylys faktisi boıynsha Kıev prokýratýrasynda Ýkraına Qylmystyq kodeksiniń 270-baby 2 tarmaǵy negizinde qylmystyq is ashyldy.

Premer-mınıstr Denıs Shmygal jaǵdaıdy jeke baqylaýyna aldy.